ہرن کے سانپ کھانے کے بعد ژراف کی ہڈیاں چبانے کی ویڈیو وائرل

نئی دہلی: کچھ دنوں قبل ایک ہرن کی ویڈیو وائرل ہوئی تھی جس میں ہرن کو سانپ کھاتے ہوئے دکھایا گیا تھا تاہم اب ایک ژراف کی ویڈیو منظرعام پر آئی ہے جس میں زرافہ ہڈیاں چبا رہا ہے۔

میڈیا رپورٹس کے مطابق ہرن اور ژراف دونوں سبزی خور جانور ہیں تاہم ان جانوروں کے غیر معمولی رویے نے انٹرنیٹ صارفین کو الجھن میں ڈال دیا ہے۔

سوشل میڈیا پر ہرن کے بعد ایک ویڈیو گردش کررہی ہے جس میں ژراف کو ہڈیاں چباتے ہوئے دکھایا گیا ہے۔

انڈین فاریسٹ سروس (IFS) آفیسر سوسنتا نندا نے ویڈیو شیئر کی جس میں ژراف کو ہڈیاں چباتے ہوئے دیکھا جاسکتا ہے۔

نیشنل جیوگرافک کے مطابق ہڈیوں کو کھانے سے ژراف کو کیلشیم اور فاسفورس فراہم ہوتا ہے اور یہ محض ہڈیوں کو خالی چبانے یا چوسنے سے بھی حاصل کیا جاسکتا ہے۔