وزیراعظم مودی کے بیرونی دوروں پر 22کروڑ روپے خرچ

نئی دہلی: وزیراعظم نریندرمودی نے 2019 کے بعد سے 21 بیرونی دورے کئے ہیں جن پر زائداز 22.76 کروڑ روپے خرچ کئے گئے۔ حکومت نے آج یہ بات بتائی۔

مرکزی مملکتی وزیر خارجہ وی مرلی دھرن نے راجیہ سبھا میں پوچھے گئے سوال کا تحریری جواب دیتے ہوئے کہا کہ صدرجمہوریہ نے 2019 کے بعد سے 8 بیرونی دورے کئے ہیں اور ان دوروں پر خرچ کی گئی رقم زائداز 6.24 کروڑ روپے تھی۔

 وزیراعظم نے 2019 کے بعد سے تین مرتبہ جاپان کا اور امریکہ کا دورہ کیا ہے جبکہ دو مرتبہ متحدہ عرب امارات کا دورہ کیا۔ صدرجمہوریہ کے دوروں میں 8 کے منجملہ 7 دورے رام ناتھ کووند نے کئے تھے جبکہ موجودہ صدر دروپدی مرمو نے گزشتہ سال ستمبر میں برطانیہ کا دورہ کیا۔