الو ارجن کی فلم ’پشپا 2: دی رول‘ 5 دسمبر کو ریلیز ہوگی

حیدرآباد (یو این آئی) جنوبی ہند کے فلموں کے سپر اسٹار الو ارجن کی زیرانتظار فلم ‘پشپا 2: دی رول’ 5 دسمبر کو ریلیز ہوگی۔

سال 2024 کی سب سے زیادہ منتظر فلموں میں سے ایک، ‘پشپا 2: دی رول’ پہلے 6 دسمبر کو ریلیز ہونے والی تھی۔ اب یہ فلم 5 دسمبر کو ریلیز ہوگی۔

اللو ارجن نے پشپا 2: دی رول کا ایک نیا پوسٹر سوشل میڈیا پر شیئر کیا ہے۔ چلم پیتے ہوئے پشپاراج اپنے ہاتھ میں پکڑی بندوق کو دیکھ رہا ہے۔ وہ نوٹوں کے ایک ڈبے کے سامنے کھڑا ہے۔

الوارجن نے ہیش ٹیگ میں ‘پشپا 2: دی رول آن 5 دسمبر’ لکھا ہے۔ ‘پشپا 2: دی رول’ میں پشپا راج کے دلچسپ سفر کو دکھایا جائے گا جب وہ اسمگلنگ اور طاقت کی خطرناک دنیا میں داخل ہوتا ہے۔

اللو ارجن نے یہ کردار ادا کیا ہے، اور اس بار کہانی میں مزید گہرائی ہوگی۔ فلم میں رشمیکا مندنا اور فہد فاصل بھی ہیں۔ پشپا 2: دی رول، سوکمار کی ہدایت کاری میں 5 دسمبر کو سینما گھروں میں ریلیز ہونے کو تیار ہے۔