بی آرایس کا یوم تاسیس۔کارگذارصدرتارک راما راو نے جھنڈالہرایا

حیدرآباد: تلنگانہ کی اصل اپوزیشن بھارت راشٹرا سمیتی نے اپنا یوم تاسیس منایا۔ پارٹی کے کارگذارصدر کے ٹی راما راؤ نے پارٹی ہیڈکوارٹرس تلنگانہ بھون میں پارٹی پرچم لہرایا۔

اس موقع پر پارٹی کارکنوں سے خطاب کرتے ہوئے انہوں نے کہا کہ پارٹی عوام کے لیے ثابت قدمی اور محنت کے ساتھ کام جاری رکھے گی۔

تاریخ پر ہم جب نظرڈالتے ہیں تو ہمیں یہ معلوم ہوتا ہے کہ پارٹی کے بانی صدر اور سابق وزیراعلی کے چندر شیکھر راؤ، رکاوٹوں اور دھکوں کی پراوہ نہ کرتے ہوئے اس مقصد کے لیے اپنی ثابت قدمی کے لیے جانے جاتے ہیں۔

تلنگانہ راشٹرا سمیتی کا نام بدل کر بھارت راشٹرا سمیتی رکھ دیا گیا اور اسے ایک قومی پارٹی میں تبدیل کرنے کے بہترارادے کے ساتھ ریاست میں آزمائی گئی ترقی کی کامیاب حکمت عملی کو ملک کے باقی حصوں تک پہنچانے کی کامیاب مساعی کی جارہی ہے۔

اس قدم کو مہاراشٹرا، کرناٹک اور اڈیشہ جیسی ریاستوں میں زبردست ردعمل ملا تھا۔ اسمبلی انتخابات میں ملادھکہ پارٹی کی مطلوبہ رسائی کو کسی طرح سے نہیں روک سکے گا۔