حیدرآباد میں کار اُلٹ گئی، ایک شخص زخمی

حیدرآباد: شہرحیدرآباد کے ناگول پولیس اسٹیشن کے حدود میں کارالٹ گئی جس کے نتیجہ میں ایک شخص زخمی ہوگیا۔یہ حادثہ کُنٹلور۔قطب اللہ پورچوراہا کے قریب اُس وقت پیش آیا جب بی ایم ڈبلیو کار چلانے والے نے اس کا توازن کھودیا اور یہ کار الٹ گئی۔

اس حادثہ میں کار چلانے والا زخمی ہوگیا اور کار کے سامنے کے حصہ کو نقصان پہنچا۔زخمی شخص کو علاج کے لئے اسپتال منتقل کیاگیا۔بتایاجاتا ہے کہ کار چلانے والا حالت نشہ میں تھاجو تیزرفتاری کے ساتھ کار چلارہا تھا۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔