چیف منسٹر ریونت ریڈی کی بعض مرکزی وزراء سے ملاقات

حیدرآباد: وزیر اعلی تلنگانہ ریونت ریڈی جو قومی دارالحکومت نئی دہلی میں ہیں، نے آج بعض مرکزی وزراء سے ملاقات کی۔ ذرائع کے مطابق اس ملاقات کے دوران ریاست کے پراجکٹس کی منظوری، ترقیاتی کاموں کے لئے فنڈس جیسے امور پر تبادلہ خیال کیا گیا۔ بعدازاں وہ 6 روزہ دورہ پر سنگاپور اور داوس کے لئے روانہ ہوگئے۔

سنگاپورمیں وہ سرمایہ کاروں سے ملاقات کریں گے اور ریاست میں تعمیر کئے جانے والے اسٹیڈیمس کے امور کے سلسلہ میں سنگاپور اسپورٹس یونیورسٹی کا دورہ کریں گے۔

 بعدازاں وہ داوس میں عالمی معاشی فورم کے اجلاس میں شرکت کریں گے۔ حکومت نے ایک بیان میں کہا کہ ریونت ریڈی سرمایہ کاروں کو راغب کرنے کے لئے مختلف تجارتی اداروں کے ذمہ داروں سے ملاقات کریں گے۔