کلکٹر میدک عام آدمی کی طرح سرکاری اسپتال پہنچ گئے

حیدرآباد: تلنگانہ کے میدک ضلع کے کلکٹرراہول راج رات دیرگئے عام آدمی کی طرح اچانک سرکاری اسپتال پہنچ گئے۔

انہوں نے بعد ازاں اپنا تعارف وہاں موجود اسٹاف سے کروایا اور رامائم بلدیہ کے حدود کے اس کمیونٹی ہیلت سنٹرکی تفصیلات حاصل کیں۔

انہوں نے اپنی سرکاری گاڑی کو اسپتال سے تقریبا ایک کلومیٹرپہلے ٹہرایا اوراچانک اسپتال پہنچ کرمعائنہ کیا۔انہوں نے اسپتال کے اسٹاف کی کارکردگی، ان کی حاضری، رجسٹرس اور دیگر تفصیلات بھی حاصل کیں۔

انہوں نے وہاں مریضوں کو فراہم کی جانے والی سہولیات کا جائزہ لیا۔ساتھ ہی انہوں نے مریضوں سے بھی بات کی اور علاج کے بارے میں ان سے چند سوالات کئے۔