اے پی کے وشاکھاپٹنم کے کنگ جارج اسپتال میں آگ لگنے کا واقعہ

حیدرآباد: اے پی کے وشاکھاپٹنم میں واقع کنگ جارج اسپتال (کے جی ایچ) میں آج آگ لگنے کا واقعہ پیش آیا۔

اطلاعات کے مطابق اسپتال کے کارڈیالوجی شعبہ میں معمولی آگ بھڑک اٹھی۔ واقعہ کی اطلاع ملتے ہی فائر بریگیڈ عملہ فوری طور پر جائے واقعہ پر پہنچا اور آگ پر قابو پانے کی کارروائی شروع کی۔

آگ کو بروقت بجھا دیا گیا جس سے بڑاواقع ٹل گیا۔ اسپتال کے ڈاکٹروں اور عملہ نے مریضوں کو فوری طور پر محفوظ مقامات پر منتقل کر دیا۔ خوش قسمتی سے اس واقعہ میں کسی جانی نقصان کی اطلاع نہیں ملی تاہم کارڈیالوجی شعبہ میں موجود ٹیبلس اور کمپیوٹرس جل کر خاکستر ہوگئے۔

اسپتال کے عملہ کے مطابق آگ لگنے کی وجہ معلوم کرنے کے لئے تحقیقات جاری ہیں۔

اسپتال کے سپرنٹنڈنٹ نے کہا کہ واقعہ کی مکمل جانچ کے بعد تفصیلات میڈیا کے ساتھ شیئر کی جائیں گی۔ پولیس نے جائے واقعہ پر پہنچ کر معائنہ کیا اور مقدمہ درج کرکے تحقیقات شروع کر دی۔