کے سی آر کے فام ہاؤس پر حملہ کرنے کے بیان کی مذمت جی سرینواس یادو کا بیان

حیدرآباد: صدر بی آر ایس طلبہ تنظیم جی سرینواس یادو نے کانگریس کے قائد مدھو یاشکی گوڑ کی جانب سے سابق چیف منسٹر کے سی آر کے فام ہاؤس پر حملہ کرنے کے بیان کی مذمت کی۔

انہوں نے کانگریس کے قائدین کو مشورہ دیا کہ وہ عوام سے کئے گئے وعدوں یعنی 6 ضمانتوں پر عمل آوری کریں۔ جی سرینواس یادو نے آج اخباری نمائندوں کو مخاطب کرتے ہوئے کہا کہ کانگریس قائدین سابق چیف منسٹر کے سی آر کے فام ہاؤس پر حملہ کریں گے تو کیا ہم خاموش رہیں گے؟۔

انہوں نے کہا کہ کانگریس کے قائدین نے عوام سے جھوٹے وعدے کرکے اقتدار حاصل کیا۔ اگر وہ ان وعدوں پر اندرون 100 یوم عمل آوری نہیں کریں گے تو عوام ان کا گھیراؤ کریں گے۔

انہوں نے کانگریس قائدین کو مشورہ دیا کہ وہ بی آر ایس قائدین پر تنقید کرنے کے بجائے ریاست کی حکمرانی پر توجہ دیں۔