حیدرآباد: حیدراکی کارروائی۔کوکاپیٹ میں غیرمجازتعمیرات منہدم کردی گئیں

حیدرآباد: تالابوں اورنہروں کے ایف ٹی ایل و بفرزونس کے علاوہ سرکاری اراضیات پر غیر مجازقبضوں کو برخواست کرنے کے لئے تشکیل دی گئی حیدرآبادڈیزاسٹررسپانس اینڈایسٹ مانیٹرنگ اینڈ پروٹکشن (حیدرا) کی کارروائی کا سلسلہ جاری ہے۔

اس ادارہ نے آج کوکاپیٹ میں غیرمجازقبضوں کومنہدم کردیا۔سروے نمبر147پرسرکاری اراضی پر قبضہ کرتے ہوئے کی گئی غیرمجاز تعمیرات کو حیدرانے آج صبح منہدم کردیا۔پولیس کی بھاری تعداد کی موجودگی میں یہ انہدامی کارروائی کی گئی۔

اس موقع پرحیدراکے عہدیداروں اورمقامی افرادمیں بحث وتکرارہوگئی۔ مقامی افراد نے اس کارروائی کی مخالفت کرتے ہوئے اس کو روکنے کی کوشش کی تاہم بھاری جے پی سی مشینوں کی مدد سے یہ انہدامی کارروائی انجام دی گئی۔عہدیداروں نے واضح کیا کہ غیرمجازقبضوں کوچھوڑنے کا سوال ہی پیدانہیں ہوتا۔