زیادہ آواز پیداکرنے والے سائلنسرس کے خلاف حیدرآباد میں ٹریفک پولیس کی خصوصی مہم
پولیس نے کہاکہ کئی گاڑیوں میں ان کے حقیقی سائلنسرس کی جگہ ترمیم شدہ سائلنسرس لگائے جارہے ہیں جو ناقابل قبول ہیں کیونکہ ان نئے طرح کے سائلنسرس سے زیادہ آوازآتی ہے۔
حیدرآباد: شہرحیدرآباد کی راجندرنگرٹریفک پولیس کی جانب سے خصوصی مہم چلائی گئی۔کل شب چلائی گئی اس مہم میں ملازمین پولیس کی بڑی تعداد نے حصہ لیتے ہوئے زیادہ آواز پیداکرنے والے سائلنسرس پر توجہ مرکوز کی اورغیرقانونی طورپر لگائے گئے ان سائلنسرس کے خلاف بیداری بھی کی۔
پولیس نے کہاکہ کئی گاڑیوں میں ان کے حقیقی سائلنسرس کی جگہ ترمیم شدہ سائلنسرس لگائے جارہے ہیں جو ناقابل قبول ہیں کیونکہ ان نئے طرح کے سائلنسرس سے زیادہ آوازآتی ہے۔
اس سے صوتی آلودگی بھی پھیل رہی ہے اسی لئے اس مہم کے دوران اس طرح کے سائلنسرس پر خصوصی توجہ دی جارہی ہے۔
ٹریفک پولیس نے ایسے سائلنسرس لگانے پر جرمانہ بھی عائد کرنے کا انتباہ دیا۔پولیس نے کہاکہ پکڑنے جانے کے بعد دوسری مرتبہ بھی ایسے ہی سائلنسرس کو استعمال کیاگیا تو ایف آئی آردرج کی جائے گی۔
پولیس نے نوجوانوں پر زوردیا کہ وہ شوروم میں بائیک کولگائے گئے سائلنسرس کا ہی استعمال کریں۔
