تلنگانہ
ہائیڈرا کا اعلان: سابقہ تعمیرات کو ہاتھ نہیں لگایا جائے گا: اے وی رگناتھ
حیدرآباد ڈیزاسٹر ریسپانس اینڈ اسسٹس مانیٹرنگ اینڈ پروٹیکشن ایجنسی (ہائیڈرا) کے کمشنر اے وی رگناتھ نے اعلان کیا ہے کہ ہائیڈرا جولائی 2024ء میں اُس کے قیام کے بعد تعمیر کی جانے والی غیرقانونی عمارتوں کو بھی منہدم کرے گی۔
حیدرآباد: حیدرآباد ڈیزاسٹر ریسپانس اینڈ اسسٹس مانیٹرنگ اینڈ پروٹیکشن ایجنسی (ہائیڈرا) کے کمشنر اے وی رگناتھ نے اعلان کیا ہے کہ ہائیڈرا جولائی 2024ء میں اُس کے قیام کے بعد تعمیر کی جانے والی غیرقانونی عمارتوں کو بھی منہدم کرے گی۔
حیدرآباد کے کئی علاقوں میں تالابوں کی زمینوں پر کثیر منزلہ عمارتوں کی تعمیر کے بارے میں بڑھتی ہوئی شکایتوں کے پیش نظر یہ اعلان کیا گیا۔
انہوں نے کہا کہ جولائی 2024ء میں ہائیڈرا کے قیام کے بعد تعمیر کی جانے والی عمارتوں یا مکانات کو منہدم کیا جائے گا۔
کمشنر نے آج کوکٹ پلی کے میسما چروو کے دورہ کے بعد میڈیا کے نمائندوں سے بات چیت کرتے ہوئے کہا کہ ہائیڈرا کے قیام سے قبل تعمیر کی گئی عمارتوں کو چھوا نہیں جائے گا۔
ہمیں فالو کریں
