اپنی جان خطرہ میں ڈال کر کسانوں کے مفاد کی تکمیل کی: کے سی آر

 حیدرآباد: چیف منسٹر کے چندرا شیکھر راو نے کہا میں نے اپنی جان خطرے میں ڈالی اور تلنگانہ کے کسانوں کی فلاح و بہبود کے لیے  مرکز میں بر سر حکومت بی جے پی کے خلاف سیسہ پلائی ہوئی دیوار کی طرح کھڑا رہا۔

کے سی آر نے تلنگانہ انتخابات کی پارٹی مہم کے تحت  ایک جلسہ عام سے خطاب کرتے ہوئے کہاکہ وزیر اعظم نریندر مودی نے مجھے کسانوں کے لیے پانی کی فراہمی کے لئے زیر استعمال موٹرس پر میٹر تنصیب کرنے کے لئے دباؤ ڈالا تھا۔

لیکن میں نے اپنی جان خطرے میں ڈالی اور تلنگانہ کے کسانوں کی فلاح و بہبود کے لیے ان کے خلاف کھڑا ہوگیا۔