کے ٹی آر کا ٹویٹ

حیدرآباد: ٹی آر ایس کے ورکنگ پریسیڈنٹ کے تارک راما راؤ نے عملاً شکست قبول کرلی ہے۔ انہوں نے ایک ٹویٹ کرتے ہوئے تلنگانہ میں بی آر ایس کو مسلسل دو مرتبہ اقتدار حوالے کرنے پر عوام کا شکریہ ادا کیا اور کہا کہ وہ آج کے نتیجوں پر غمزدہ نہیں ہیں۔

انہوں نے کہا کہ تاہم وہ ان نتیجوں پر مایوس ضرور ہیں کیونکہ ہم نے اس کی توقع نہیں کی تھی۔ ہم ان نتائج سے سیکھیں گے اور مستقبل کی پیش قدمی کے لئے نئے منصوبے بنائیں گے اور واپس آئیں گے۔

کے ٹی آر نے کانگریس پارٹی کو کامیابی کی مبارکباد بھی پیش کی اور نئی حکومت کے لئے نیک تمناؤں کا اظہار کیا۔