سوشیل میڈیا پررئیلس کیلئے بائیکس پر کرتب بازی (ویڈیو وائرل)

حیدرآباد: سوشیل میڈیا پررئیلس کی تیاری کے جنون میں نوجوانوں نے اپنی جان کو خطرہ میں ڈال کرسڑکوں پربائیکس کوسرپٹ دوڑاتے ہوئے کرتب بازی کی جس کی ویڈیوزسوشیل میڈیا کے مختلف پلیٹ فارمس پر تیزی کے ساتھ وائرل ہوگئیں۔یہ واقعہ آندھراپردیش کے کڑپہ ضلع میں پیش آیا۔

تفصیلات کے مطابق رات دیرگئے ضلع کے مہاویرسرکل سے کلکٹرآفس روڈتک نوجوانوں نے یہ کرتب بازی کی۔اس طرح انہوں نے اپنی حرکتوں سے سڑک استعمال کرنے والے دیگر افراد کی جان کو بھی خطرہ میں ڈال دیا۔

ان رئیلس کے وائرل ہونے کے بعد سوشیل میڈیا کااستعمال کرنے والوں نے پولیس سے مطالبہ کیا کہ ایسے نوجوانوں کے خلاف سخت کارروائی کی جائے۔