میٹرو ریل کی جانب سے مسافرین کیلئے خصوصی آفر

حیدرآباد: حیدرآباد میٹرو ریل کی جانب سے مسافرین کے لئے یوم آزادی ویکنڈ کے توسیعی پروگرام کے تحت خصوصی آفر کا اعلان کیا گیا ہے۔

اس خصوصی پیش کش کے تحت مسافرین سوپر سیور میٹرو ہالی ڈے کارڈ کو محض 59 روپے سے ریچارج کرتے ہوئے 12‘ 13 اور 15 اگست کو لامحدود سفر کرسکتے ہیں۔

سی ای او میٹرو ریل کے وی بی ریڈی نے بتایا کہ اس خصوصی پیش کش کے ذریعہ ہم مسافرین کو یوم آزادی ویک اینڈ کے دوران میٹرو ریل سے زیادہ سے زیادہ سفر کرنے کی ترغیب اور موقع فراہم کرتے ہوئے حیدرآباد میٹرو ریل کے پائیدار اور فعال خدمات سے استفادہ کروانا چاہتے ہیں۔

انہوں نے مزید کہا کہ حیدرآباد میٹرو ریل ماڈرن اربن ٹرانسپورٹیشن کی بہترین مثال ہے جس سے سفر وقت کی بچت اور کافی محفوظ ہے۔