عوام، رشوت سے پاک حکومت کیلئے بی جے پی کو ووٹ دیں:کشن ریڈی
مرکزی وزیرنے کہا کہ کرپشن سے پاک حکومت منتخب کرنا ہم تمام کی ذمہ داری ہے۔انہوں نے ایراگڈا میں انتخابی مہم چلائی۔اس موقع پر خطاب کرتے ہوئے کشن ریڈی نے کہا کہ ووٹ کا حق ہماری ذمہ داری ہے۔
حیدرآباد: مرکزی وزیر سیاحت و حلقہ لوک سبھا سکندرآباد کے بی جے پی امیدوار کشن ریڈی نے کہا ہے کہ رشوت سے پاک حکومت کے لئے بی جے پی کو عوام ووٹ دیں۔انہوں نے عالمی سطح پر ہندوستان کا مقام اونچاکرنے پر وزیراعظم مودی کو مبارکباد پیش کی اورکہا کہ مودی کے دور میں قومی شاہراہوں کا بنیادی ڈھانچہ بنایا گیا اور ریلوے اسٹیشنوں کو جدید بنایا گیا۔
مرکزی وزیرنے کہا کہ کرپشن سے پاک حکومت منتخب کرنا ہم تمام کی ذمہ داری ہے۔انہوں نے ایراگڈا میں انتخابی مہم چلائی۔اس موقع پر خطاب کرتے ہوئے کشن ریڈی نے کہا کہ ووٹ کا حق ہماری ذمہ داری ہے۔
ہر ایک کو اجتماعی طور پر ووٹ کا حق استعمال کرنا چاہیے، اگر ووٹ کا استعمال کرنے کے بعد اسے اپنے سوشل میڈیا پلیٹ فارم پر شیئر کریں گے تو یہ دوسروں کی حوصلہ افزائی کا سبب بھی رہے گا۔انہوں نے رائے دہندوں پر زوردیا کہ وہ اپنے رائے دہی کے فیصد میں اضافہ کریں۔
