تلنگانہ: بیوی کے چھوڑکر چلے جانے پر موبائل فون کے ٹاور سے کود کرایک شخص کی خودکشی

حیدرآباد: بیوی کے چھوڑکر چلے جانے پر موبائل فون کے ٹاور سے کود کرایک مایوس شخص نے خودکشی کرلی۔یہ واقعہ تلنگانہ کے کومرم بھیم آصف آباد ضلع میں پیش آیا۔

پولیس نے بتایاکہ اس شخص کی شناخت جی بھیم راو کے طورپر کی گئی ہے جس کا تعلق گُروڈوپیٹ سے ہے۔

پولیس نے کہاکہ اس شخص نے قبل ازیں بھی حالت نشہ میں خودکشی کی کوشش کی تھی۔یہ شخص عادی شراب نوش تھا۔

اس نے حالت نشہ میں اپنی بیوی سوجنیا کے ساتھ جھگڑا کیا تھا جس پر اس کی بیوی گھر چھوڑکر مائیکے چلی گئی تب ہی سے وہ کافی مایوس تھا۔پولیس نے اس سلسلہ میں ایک معاملہ درج کرکے جانچ شروع کردی۔