تلنگانہ بلدی انتخابات: بی جے پی امیدوار کی خودکشی

حیدرآباد: تلنگانہ کے نارائن پیٹ ضلع کے مکتھل میونسپلٹی میں ایک انتہائی دلخراش واقعہ سامنے آیا ہے۔ وارڈ نمبر 6 کے تحت چنداپور گاؤں سے بی جے پی کے کونسلر امیدوار 48سالہ مہادیوپا نے پھانسی لے کر خودکشی کر لی۔

پولیس نے اس سلسلہ میں مقدمہ درج کر کے تحقیقات کا آغاز کر دیا ہے تاکہ خودکشی کی اصل وجوہات کا پتہ لگایا جا سکے۔

بی جے پی کے ریاستی صدر رام چندر راؤ نے اس واقعہ پر گہرے دکھ اور صدمہ کا اظہار کیا ہے۔ انہوں نے کہا کہ بی جے پی امیدوار کی اس طرح اچانک موت نے پوری پارٹی کو ہلا کر رکھ دیا ہے۔

یہ ایک انتہائی تکلیف دہ واقعہ ہے انہوں نے مہادیوپا کے غمزدہ خاندان سے دلی ہمدردی اور تعزیت کا اظہار کیا۔