تلنگانہ: پی ای ٹی ٹیچرپر ہراسانی کا الزام۔ گروکل اسکول کی طالبات کا احتجاج

حیدرآباد: پی ای ٹی ٹیچرپرہراسانی کاالزام لگاتے ہوئے تلنگانہ کے سرسلہ ضلع کے گروکل اسکول کی طالبات نے احتجاج کیا۔

ضلع کے تنگلاپلی ٹرائبل ویلفیراسکول کی طالبات کے اچانک صبح احتجاج کے نتیجہ میں کچھ دیر کیلئے کشیدگی پھیل گئی۔

اس احتجاج کی اطلاع کے ساتھ ہی پولیس وہاں پہنچ گئی جس نے احتجاج کرنے اور نعرے لگانے والی ان طالبات کو سمجھانے کی کوشش کی۔

اس موقع پر میڈیا سے بات کرتے ہوئے ان طالبات نے الزام لگایا کہ پی ای ٹی ٹیچرجیوتسنا ان کو روزانہ ہراساں کررہی ہے اورہراسانی کا سلسلہ جاری ہے۔

اس بات کی شکایت پرنسپل اوراعلی حکام سے بھی کی گئی تاہم اس کے ٹیچر کے خلاف کوئی کارروائی نہیں کی گئی جس کے نتیجہ میں وہ احتجاج کیلئے مجبورہوگئیں۔

انہوں نے الزام لگایا کہ اس ٹیچرنے ایک طالبہ کے نہانے کے دوران زبردستی طورپرغسل خانہ میں گئی اوراس کی ویڈیوریکارڈنگ کی۔

ان طالبات نے ان سے انصاف کرنے اورپی ای ٹی ٹیچر کو معطل کرنے کامطالبہ کیا۔