تلنگانہ کے ضلع عادل آباد میں نہر میں غرق طالب علم کی لاش کا پتہ چل گیا
تلنگانہ کے ضلع عادل آباد میں نہر میں غرق طالب علم کی لاش کا پتہ چل گیا۔ یہ طالب علم کنتاگاوں کی نہر میں غرق ہوگیا تھا۔
حیدرآباد: تلنگانہ کے ضلع عادل آباد میں نہر میں غرق طالب علم کی لاش کا پتہ چل گیا۔ یہ طالب علم کنتاگاوں کی نہر میں غرق ہوگیا تھا۔
پولیس نے کہا کہ راجیو گاندھی انسٹی ٹیوٹ آف میڈیکل سائنسس (رمس)عادل آباد کے پوسٹ گریجویشن سال اول کے طالب علم 27 سالہ بی پراوین کی لاش غوطہ خوروں کی مدد سے نہر سے باہر نکالی گئی۔
پراوین،راجناسرسلہ ضلع کا رہنے والا تھا۔ وہ نہر میں گرے اپنے سل فون کو نکالنے کی کوشش کے دوران نہر میں گرپڑاتھا۔وہ اپنے ساتھیوں کے ساتھ نہر کے قریب تفریح کیلئے آیا تھاکہ یہ واقعہ پیش آیا۔
پراوین کے ساتھی کارتک اور راجو بھی نہر میں گرگئے تاہم وہ تیرکر ساحل پر آنے میں کامیاب ہوگئے۔
پراوین چونکہ تیراکی سے واقف نہیں تھا اسی لئے وہ نہر میں غرق ہوگیا۔
اس کی لاش کا پتہ اتوار کی شب تک بھی نہیں چلایاجاسکاتھا تاہم یہ لاش اس واقعہ کے مقام سے 500میٹر کی دوری پر پائی گئی۔لاش کو پوسٹ مارٹم کیلئے رمس منتقل کردیاگیا۔
