ہینڈ بریک نہ لگانے کا انجام، کار کرشنا ندی میں جا گری (ویڈیو)
تلنگانہ کے ضلع جوگولامبا گدوال کے گاؤں نندی اگراہارم میں چہارشنبہ کے روز ایک کار کرشنا ندی میں جا گری، جس کے نتیجے میں دو عقیدت مند زخمی ہوگئے۔ بتایا گیا کہ کیا کمپنی کی یہ کار ہینڈ بریک لگائے بغیر کھڑی کی گئی تھی، جس کے باعث یہ اچانک آگے بڑھنے لگی اور ندی میں جا گری۔
تلنگانہ کے ضلع جوگولامبا گدوال کے گاؤں نندی اگراہارم میں چہارشنبہ کے روز ایک کار کرشنا ندی میں جا گری، جس کے نتیجے میں دو عقیدت مند زخمی ہوگئے۔ بتایا گیا کہ کیا کمپنی کی یہ کار ہینڈ بریک لگائے بغیر کھڑی کی گئی تھی، جس کے باعث یہ اچانک آگے بڑھنے لگی اور ندی میں جا گری۔
ایک ہی خاندان کے افراد کار میں سوار ہوکر کرشنا ندی کے قریب واقع شیو مندر میں درشن کے لیے پہنچے تھے۔ اسی دوران ڈرائیور مبینہ طور پر ہینڈ بریک لگانا بھول گیا، جس کے باعث کار آگے کی جانب لڑھکنے لگی اور خاندان کے افراد کو ٹکر مارنے کے بعد ندی میں جا گری۔
گدوال ٹاؤن پولیس اسٹیشن کے ایک عہدیدار نے بتایا کہ اس حادثے میں زخمی ہونے والے دونوں افراد کی حالت خطرے سے باہر ہے۔ کرین کی مدد سے کار کو ندی سے باہر نکال لیا گیا۔
عہدیدار کے مطابق، خاندان کے افراد نے اپنے ہی رشتہ داروں کے خلاف شکایت درج کرانے سے انکار کردیا، جس کے باعث اب تک کوئی مقدمہ درج نہیں کیا گیا ہے۔
