قاتل وہیل کے حملہ کا وائرل ویڈیو۔ اصل کہانی کیا ہے؟

نئی دہلی: حالیہ دنوں میں سوشل میڈیا پر ایک ویڈیو تیزی سے وائرل ہوئی، جس میں دعویٰ کیا گیا کہ "جیسیکا ریڈکلف” نامی ایک میرین ٹرینر کو شو کے دوران ایک اورکا (قاتل وہیل) نے پانی کے اندر گھسیٹ کر ہلاک کر دیا۔ یہ ویڈیو ٹک ٹاک، فیس بک اور X (سابق ٹوئٹر) پر لاکھوں بار دیکھی گئی اور لوگوں کو حیران و پریشان کر گئی۔

لیکن تحقیقات سے سامنے آیا کہ حقیقت اس سے بالکل مختلف ہے۔

حقیقت: نہ ٹرینر اصلی، نہ واقعہ پیش آیا
فیکٹ چیکنگ پلیٹ فارمز کی تصدیق کے مطابق یہ پورا ویڈیو مصنوعی ذہانت (Artificial Intelligence) ٹیکنالوجی سے تیار کیا گیا ہے۔ نہ تو "جیسیکا ریڈکلف” نام کی کوئی ٹرینر موجود ہے اور نہ ہی "Pacific Blue Marine Park” نام کا کوئی میرین پارک دنیا میں پایا جاتا ہے۔ یہ نام بھی سراسر فرضی ہے۔

ویڈیو میں سمندر کی لہروں کی غیر فطری حرکت، بیچ میں آنے والے عجیب وقفے اور آواز کے غیر معمولی اتار چڑھاؤ نے ماہرین کو شک میں ڈالا۔ تجزیہ کے بعد یہ سب کمپیوٹر جنریٹڈ پایا گیا۔

Full video jessica radcliffe video orca, jessica radcliffe orca attack video, video jessica accident orque.. 👇https://t.co/uwJC0GqK5k pic.twitter.com/yy2v03qdqe

— Mr Viral ⚡ (@fvalenciarx) August 12, 2025

Forbes اور The Economic Times کی رپورٹس میں کہا گیا ہے کہ اگر ایسا کوئی حقیقی حادثہ پیش آتا تو یہ عالمی میڈیا کی بڑی خبر بنتا، جیسا کہ 2010 میں سی ورلڈ (SeaWorld) میں Dawn Brancheau اور 2009 میں Alexis Martinez کی ہلاکت کے کیسس میں ہوا تھا۔ لیکن "جیسیکا ریڈکلف” کے واقعہ کا کوئی ثبوت موجود نہیں ہے۔

اس جعلی ویڈیو کو مزید قابلِ یقین بنانے کے لئے پرانے اور حقیقی حادثات کا حوالہ دیا گیا۔ Dawn Brancheau اور Alexis Martinez کے اصل واقعات کو بنیاد بنا کر فرضی کہانی بُنی گئی تاکہ لوگ اسے حقیقت سمجھ لیں۔

I have jessica radcliffe video orca, jessica radcliffe orca attack video, video jessica accident orque!!
6 minutes video 👇 https://t.co/4DBCKycyxT pic.twitter.com/PgXYavYSgp

— Burhan Khizer (@MeerKp20450) August 11, 2025

ماہرین کے مطابق اس قسم کے ویڈیوز لوگوں کے جذبات کو جھنجھوڑتے ہیں اور میرین جانوروں کو قید میں رکھنے کے اخلاقی پہلوؤں پر بحث چھیڑ دیتے ہیں۔ ویڈیو کی حقیقت پسندانہ کوالٹی اور جذباتی اثرات اس کو تیزی سے وائرل کر دیتے ہیں اور سچ سامنے آنے سے پہلے ہی یہ لاکھوں لوگوں تک پہنچ جاتا ہے۔

"جیسیکا ریڈکلف” اورکا اٹیک ویڈیو مکمل طور پر اے آئی کی تخلیق ہے۔ یہ نہ کسی حقیقی شخص سے جڑا ہے، نہ کسی میرین پارک میں پیش آیا۔ یہ صرف ایک ڈیجیٹل فریب ہے جو پرانی اصل کہانیوں کے سہارے لوگوں کو دھوکہ دینے کے لئے بنایا گیا۔