دہلی کے بازاروں میں سخت سیکوریٹی

نئی دہلی (پی ٹی آئی) دہلی پولیس نے فیسٹیول سیزن کے مدنظر مختلف مارکٹس میں سیکوریٹی انتظامات کڑے کردیئے ہیں۔

روہنی کے پرشانت وہار علاقہ میں سی آر پی ایف اسکول کے سامنے دھماکہ کے مدنظر ریلوے اور میٹرو اسٹاف سے ہائی الرٹ رہنے کو کہا گیا ہے۔

چاندنی چوک‘ آزاد پور اور غازی پور کے بازار خاص طورپر دہلی پولیس کی نگرانی میں ہیں کیونکہ یہاں دہلی کے باہر کے لوگوں کا زیادہ آنا جانا رہتا ہے۔

شاپنگ مالس اور پرہجوم مقامات پر کڑا پہرہ ہے۔ صدر بازار میں لاؤڈ اسپیکر سے اعلان کرکے لوگوں کو الرٹ رہنے کو کہا جارہا ہے۔