اے پی کے کڑپہ ضلع میں خوفناک سڑک حادثہ، دو نوجوان ہلاک

حیدرآباد: اے پی کے کڑپہ ضلع میں پیش آئے سڑک حادثہ میں دونوجوان ہلاک ہوگئے۔یہ حادثہ کل شب ضلع کے
تووپلی جنکشن کے قریب قومی شاہراہ نمبر 67 پر پیش آیا۔حادثہ اتنا شدیدتھاکہ دونوجوان موقع پرہی ہلاک ہوگئے۔

پولیس کے مطابق ہلاک ہونے والوں کی شناخت کے سائی سنجے (24) اور سی سنتوش (24) کے طور پر ہوئی ہے، جو اس وقت اسکوٹی پر بدویل کی سمت جا رہے تھے کہ اچانک حادثہ کا شکار ہوگئے۔

رشتہ داروں نے بتایا کہ دونوں دوست انٹرمیڈیٹ تعلیم کے دنوں سے ہی قریبی دوست تھے۔

پولیس نے حادثہ کی اطلاع ارکان خاندان کو دی اور لاشوں کو سرکاری اسپتال منتقل کیا۔

پولیس نے کیس درج کر کے تحقیقات شروع کر دی ۔