یو ایس اوپن: جوکووچ نے تاریخی 24 واں گرینڈ سلام ٹائٹل جیت لیا

نیویارک: نوواک جوکووچ نے اتوار کو یہاں فائنل میں ڈینیل میدویدیف کو سیدھے سیٹوں میں شکست دے کر اپنا چوتھا یو ایس اوپن اور ریکارڈ 24 واں گرینڈ سلام سنگلز ٹائٹل جیت لیا۔

دوسری اور تیسری سیڈ کے درمیان میچ میں جوکووچ نے میدویدیف کو 6-3، 7-6(5)، 6-3 سے شکست دی۔ اس جیت کے ساتھ ہی 36 سالہ سربیائی کھلاڑی یو ایس اوپن مینز سنگلز کے سب سے معمر ترین چیمپئن بن گئے ہیں۔

جوکووچ اس سال آسٹریلین اوپن اور فرنچ اوپن جیتنے کے بعد ایک سیزن میں چار مرتبہ تین گرینڈ سلام سنگلز ٹائٹل جیتنے والے پہلے کھلاڑی بن گئے ہیں۔

جوکووچ نے کہاکہ "میں نے کبھی نہیں سوچا تھا کہ میں یہاں آپ کے ساتھ 24ویں گرینڈ سلام کے بارے میں بات کروں گا۔ میں نے کبھی نہیں سوچا تھا کہ یہ حقیقت ہوگی لیکن پچھلے کچھ سالوں میں مجھے ایسا لگا جیسے میرے پاس ایک موقع ہے، میرے پاس تاریخ رقم کرنے کا موقع ہے اور اگر یہ دستیاب ہے تو کیوں نہ اس موقع سے فائدہ اٹھایا جائے۔”

اس فتح کے ساتھ جوکووچ نے اپنے روسی حریف میدویدیف سے 2021 کا بدلہ لے لیا جب میدویدیف نے اسے سیدھے سیٹوں میں شکست دے کر ان کی جیت کی رفتار کو بریک لگا دی تھی۔

جوکووچ 1969 میں راڈ لیور کے بعد ایک ہی سال میں چاروں گرینڈ سلام جیتنے والے پہلے کھلاڑی بن گئے۔