کیا جی ایس ٹی میں کمی سے ایل پی جی گیس سلنڈر بھی سستے ہو جائیں گے؟

نئی دہلی: ملک میں آج سے نیا جی ایس ٹی سسٹم یعنی جی ایس ٹی 2.0 نافذ ہو چکا ہے۔ اس کے تحت پرانے چار ٹیکس سلیب ختم کر دیے گئے ہیں اور اب صرف دو سلیب 5% اور 18% رہ گئے ہیں۔ یہ فیصلہ 3 ستمبر کو ہونے والی جی ایس ٹی کونسل کی میٹنگ میں لیا گیا تھا اور اسے 2017 میں جی ایس ٹی کے نفاذ کے بعد کا سب سے بڑا ٹیکس ریفارم کہا جا رہا ہے۔

عام لوگوں کو امید تھی کہ اس فیصلے سے ایل پی جی سلینڈر کی قیمتیں کم ہو جائیں گی، لیکن حقیقت میں ایسا نہیں ہوا۔

ایل پی جی سلینڈر پر موجودہ ٹیکس ریٹ

گھریلو ایل پی جی سلینڈر پر اب بھی 5% جی ایس ٹی لگتا ہے۔

کمرشل سلینڈر، جو ہوٹل اور ریسٹورنٹ جیسے کاروباروں میں استعمال ہوتے ہیں، پر 18% جی ایس ٹی لگایا جاتا ہے۔

جی ایس ٹی 2.0 کے باوجود ان دونوں پر کوئی تبدیلی نہیں کی گئی ہے، اس لیے ایل پی جی سلینڈر کی قیمتوں میں آج سے کوئی کمی نہیں ہوگی۔

کن چیزوں پر ملی رعایت؟

اگرچہ ایل پی جی سلینڈر پر ٹیکس کم نہیں ہوا، لیکن کھانے پینے کی کئی اشیاء اب سستی ہو گئی ہیں، جیسے:

گھی، مکھن، پنیر، آئس کریم، اچار، ڈرائی فروٹ وغیرہ

ایف ایم سی جی کمپنیاں قیمتیں کم کرنے کا اعلان کر چکی ہیں، جس سے گھریلو بجٹ کو کچھ راحت ضرور ملے گی۔

الیکٹرانکس اور آٹو سیکٹر پر بڑا اثر

جی ایس ٹی ریٹ میں کمی کی وجہ سے اب کار، اے سی، ٹی وی، واشنگ مشین جیسی چیزیں بھی سستی ہوں گی:

ٹی وی کی قیمتوں میں 2500 سے 85000 روپے تک کمی آ سکتی ہے۔

رُوم اے سی کی قیمتیں 4700 روپے تک کم ہوں گی۔

ڈش واشر پر 8000 روپے تک کی رعایت ملے گی۔

چھوٹی کاروں پر 18% اور بڑی کاروں پر 28% جی ایس ٹی لگے گا۔

ہیلتھ کیئر اور ایجوکیشن سیکٹر کو بھی فائدہ

نئے جی ایس ٹی ریٹ سے عام آدمی کی جیب پر بوجھ کم ہوگا کیونکہ:

ادویات اور میڈیکل ڈیوائسز پر جی ایس ٹی کم ہو کر 5% رہ گیا ہے۔

تعلیم سے جڑی کئی اشیاء اور خدمات پر بھی ٹیکس کم کر دیا گیا ہے۔