حیدرآباد میں پرینکا گاندھی کا جلسہ، انتظامات کا جائزہ لیا گیا

حیدرآباد: تلنگانہ کانگریس کی جانب سے شہرحیدرآباد کے سرور نگر میں 8مئی کو منعقد کئے جانے والے جلسہ کے انتظامات کا جائزہ پارٹی ہیڈکوارٹرس گاندھی بھون میں لیا گیا جس میں کانگریس کی جنرل سکریٹری پرینکاگاندھی شرکت کریں گی۔

صدرتلنگانہ کانگریس ریونت ریڈی کے بشمول، اے آئی سی سی انچارج مانک راؤ ٹھاکرے، کارگزار صدر پی سی سی مہیش کمار گوڑ، انجن کمار یادو، ٹی پی سی سی جنرل سکریٹریز، بلاک کانگریس صدور اور دیگر لیڈران موجود تھے۔اس موقع پر ریونت ریڈی نے اس جلسہ کو کامیاب بنانے کے لیے کیے جانے والے اقدامات کے بارے میں کئی تجاویز پیش کیں۔