انجینئرنگ کورسس میں برسرموقع داخلے

حیدرآباد: تلنگانہ اسٹیٹ ایمسیٹ 2023 کے ذریعہ انجینئرنگ کے مختلف کورسس کیلئے3 اور 4 ستمبر کو برسرموقع داخلہ کے جائیں گے۔

محکمہ ٹیکنیکل ایجوکیشن کی جانب سے خانگی انجینئرنگ کالجوں میں برسرموقع داخلہ کا شیڈول جاری کیا گیاہے جس میں 2 ستمبر کو برسرموقع داخلہ کے تحت بچ جانے والی سیٹس کے متعلق اخبارات میں نوٹیفکیشن جاری کرنے کا فیصلہ لیا گیا۔

اسپاٹ ایڈمیشن کے خواہشمند امیدوار 3 اور 4 ستمبر کو متعلقہ کالج سے رجوع ہوسکتے ہیں۔ ریاست بھر میں مختلف خانگی انجینئرنگ کالجس میں جملہ 18,815 نشستیں دستیاب ہیں۔

کالج اور برانچس کی ویب سائٹ https://tseamcet.nic.in پرمخلوعہ نشستوں کی تفصیلات رکھی گئی ہیں۔