تیونشا شرما کا ساتھی اداکار خودکشی کیلئے اکسانے پر گرفتار

پالگھر: پولیس نے اتوار کو 27 سالہ ٹیلی ویژن ساتھی اداکار کو اداکارہ تیونیشا شرما کو پالگھر ضلع میں خودکشی کے لئے اکسانے کے جرم میں گرفتار کرلیا گیا۔ ایک عہدیدار نے یہ بات بتائی۔

21سالہ اداکارہ نے مبینہ طور پر اپنے ٹی وی سیریل کے سیٹ پر خودکشی کی۔ یہ واقعہ ہفتہ کو پیش آیا۔ شرما کی ماں کی شکایت پر والیو پولیس نے متوفی کے ساتھی اداکار شیزان یم خان کے خلاف تعزیرات ہند کی دفعہ 306 (خودکشی کے لئے مجبور کرنا) کیس درج کرلیا اور اسے گرفتار کرلیا۔

اسٹیشن ہاؤز آفس والیو پولیس اسٹیشن نے یہ بات بتائی۔ شرما نے ٹی وی شو ’بھارت کا ویر پترا‘-’مہارانا پرتاپ‘ اور فلمس جیسے ’فتور‘اور ’بار بار دیکھو‘ میں ادکاری کی تھی۔

یہ واقعہ ہفتہ کو شوٹنگ کے دوران سیٹ پر پیش آیا جب سیریل علی بابا، داستانِ کابل شوٹ کیا جارہا تھا۔ شرما سیٹ سے واش روم میں گئی اور پھر طویل وقت تک واپس نہیں ہوئی جس کے بعد دروازہ توڑ کر لوگ اندر گئے جہاں وہ پھانسی پر لٹکی ہوئی پائی گئی۔

اس کی ماں نے اپنی شکایت میں دعویٰ کیا کہ شرما اور خان ایک دوسرے سے محبت کرتے تھے اور الزام لگایا کہ موخر الذکر نے اسے خودکشی پر مجبور کیا۔ اس مقام سے کوئی خودکش نوٹ دستیاب نہیں ہوا۔ مزید بتایا گیا ہے کہ نعش کو پوسٹ مارٹم کیلئے بھیج دیا گیا اور مزید تحقیقات جاری ہے۔