سپریم کورٹ، عبداللہ اعظم کی درخواست پر سماعت کرے گا

نئی دہلی: سپریم کورٹ‘ عبداللہ اعظم خان کی درخواست پر سماعت کے لیے رضامند ہوگئی۔

انہوں نے الٰہ باد ہائی کورٹ کے فیصلے کو چیلنج کیا جس نے 15سال پرانے کیس میں ان کی سزا پر روک لگانے سے انکار کردیا تھا جو بطور رکن اسمبلی ان کی نااہلی کی وجہ بنی تھی۔

چیف جسٹس ڈی وائی چندرچوڑ اور جسٹس پی ایس نرسمہا کی بنچ نے وکیل کے دلائل کا نوٹ لیا اور ان کی اپیل کو 21/ اپریل کو لسٹ کرنے رضامندی ظاہر کی۔

خان کو اترپردیش کے مرادآباد ضلع کے چھجلیٹ میں دھرنا کے دوران سڑکوں کی مسدودی میں ملوث ہونے کے لیے فوجداری کیس میں دو سال جیل کی سزا سنائی گئی تھی۔