عثمانیہ اور کاکتیہ یونیورسٹیوں کے ڈگری وپی جی امتحانات ملتوی

حیدرآباد: ریاست میں شدید بارش سے پیداشدہ صورتحال کو مدنظررکھتے ہوئے عثمانیہ اور کاکتیہ یونیورسٹیوں نے اپنے امتحانات کو ملتوی کرنے کا اعلان کیا۔

کاکتیہ یونیورسٹی نے پیر اور منگل کومنعقدشدنی ڈگری اورپی جی کے امتحانات کوملتوی کردیا۔ رجسٹراریونیورسٹی نے بتایا کہ ملتویہ امتحانات کی نئی تواریخ کا بہت جلد اعلان کیا جائے گا۔

عثمانیہ یونیورسٹی نے آج سے 3دنوں تک تعطیلات کا اعلان کیا ہے جس کے نتیجہ میں پیر سے چہارشنبہ تک منعقد شدنی عثمانیہ یونیورسٹی کے تمام امتحانات کو ملتوی کردیاگیا۔

قبل ازیں حکومت تلنگانہ نے ریاست کے تمام تعلیمی اداروں کوتین دنوں تک تعطیلات کا اعلان کیاہے۔