آندھراپردیش کے ضلع انکاپلی میں 13 فٹ لمبا ناگ سانپ

حیدرآباد: آندھراپردیش کے ضلع انکاپلی میں ایک بڑا ناگ سانپ دیکھاگیا۔ضلع کے مدوگولامنڈل کے ایم کوڈور علاقہ میں ایک 13 فٹ لمبا ناگ سانپ دیکھاگیا۔

مقامی افراد کے مطابق یہ ناگ سانپ ایک اور سانپ کا پیچھا کرتا ہو ا مرغیوں کے شیڈ میں گھس گیا۔

اس کو دیکھ کر کسان خوفزدہ ہوگیا جس نے اس بات کی اطلاع اپنے ساتھیوں کو دی اور پھر سانپ پکڑنے والے ماہر کو اس خصوص میں چوکس کیاگیا۔

اس سانپ پکڑنے والے نے وہاں پہنچ کر اس کو پکڑنے میں کامیابی حاصل کی جس کے بعد تمام نے راحت کی سانس لی۔بعد ازاں اس سانپ کو بحفاظت جنگل میں چھوڑ دیا گیا۔