حیدرآباد کے 15 اسمبلی حلقوں سے 151 پرچہ نامزدگیاں داخل

حیدرآباد: شہر کے 15 اسمبلی حلقہ جات سے آج 151 امیدواروں نے اپنے پرچہ نامزدگیاں داخل کئے ہیں۔

جس میں حلقہ یاقوت پورہ سے امجد ا للہ خاں خالد (ایم بی ٹی)‘ مشیرآباد سے موتا گوپال (بی آر ایس) ملک پیٹ سے اجیت ریڈی (بی جے پی) عنبر پیٹ سے سی کرشنا یادو (بی جے پی) خیریت آباد سے پی وجیا ریڈی (کانگریس)‘ جوبلی ہلز سے محمد اظہر الدین (کانگریس)‘ محمد راشد فراز الدین (مجلس)‘ صنعت نگر سے ٹی سرینواس یادو (بی آر ایس)‘ نامپلی سے محمد فیروز خاں (کانگریس)‘ چارمینار سے مجیب اللہ شریف (کانگریس) ودیگر شامل ہیں۔

واضح رہے کہ پرچہ نامزدگی داخل کرنے کی 10 نومبر آخری تاریخ ہے۔ ڈسٹرکٹ الیکشن آفیسر نے آج جاری کردہ رپورٹ میں یہ بات بتائی۔