تلنگانہ

رورل ڈیولپمنٹ سرویسس کے بورڈ آف ڈائرکٹرس کا اجلاس

سوسایٹی فار رورل ڈیولپمنٹ سروسس کے بورڈ آف ڈائرکٹرس کا اجلاس وزیر پنچایت راج، سیتااکا کی قیادت میں منعقد ہوا۔

حیدرآباد(منصف نیوز بیورو) سوسایٹی فار رورل ڈیولپمنٹ سروسس کے بورڈ آف ڈائرکٹرس کا اجلاس وزیر پنچایت راج، سیتااکا کی قیادت میں منعقد ہوا۔

متعلقہ خبریں
محبوب نگر: المدینہ کالج میں ایک اور انجینئرنگ کالج کا اضافہ، حکومت تلنگانہ کی منظوری
محبوب نگر کوتعلیمی ہب میں تبدیل کا منصوبہ، جی کے انسٹیٹیوٹ آف انجینئرنگ اینڈ ٹکنالوجی کی منظوری
اردو ہال حمایت نگر میں آج اور کل قومی سمینار  – "حسرت موہانی” پر مقالوں کی پیشکشی
مادری زبانوں کی حفاظت و ترویج وقت کی اہم ترین ضرورت ہے: وزیر اقلیتی بہبود سے وفد کی ملاقات
محبوب نگر: اقلیتی پوسٹ میٹرک ہاسٹل (بوائز) میں 18 مخلوعہ نشستوں کیلئے درخواستیں مطلوب ،16 جولائی آخری تاریخ

اجلاس میں پنچایت راج اور دیہی ترقی کے سکریٹری لوکیش کمار، کمشنر انیتا رام چندرن، اسپیشل کمشنربی شفیع اللہ اور دیگر سینئر افسران نے شرکت کی۔ اجلاس کے دوران، سیتاکا نے اس بات پر حیرت کا اظہار کیا کہ گزشتہ 10 سالوں میں بورڈ کا کوئی اجلاس منعقد نہیں ہوا۔ انہوں نے سوال کیا کہ اگر اتنے طویل عرصہ تک اجلاس منعقد نہیں کیا جاتا ہے تو ملازمین کے مسائل کو کیسے سمجھا جا سکتا ہے؟۔

سوسایٹی فار رورل ڈیولپمنٹ سرویسس میں اس وقت تقریباً 3,700 ملازمین کو کنٹرکٹ اور آؤٹ سورسنگ کے ذریعہ روزگار فراہم کیا گیا جن میں تکنیکی معاون، کمپیوٹر آپریٹرز، دفتر میں ماتحت عملہ، اور انجینئرنگ کنسلٹنٹس قابل ذکر ہیں۔

انہوں نے ہدایت دی کہ ان ملازمین کی ملازمتوں کے تحفظ کو یقینی بنانے کیلئے تجاویز تیار کی جائیں۔ انہوں نے کہا ہماری ملازم دوست حکومت ہے۔ انہوں نے کہا جب ملازمین خوش رہیں گے تو ہی وہ مؤثر طریقہ سے کام کر سکیں گے اور اس وقت ہی ہی حکومت کے مقاصد اور منصوبہ عوام تک پہنچ سکتے ہیں۔

انہوں نے کہا پنچایت راج اور دیہی ترقی کا محکمہ عوام اور حکومت کے درمیان لائف لائن ہے۔ ہمارا محکمہ دیہی علاقوں کی ترقی اور لوگوں کے معیار زندگی کو بہتر بنانے پر توجہ مرکوز کرتا ہے انہوں نے زور دیتے ہوئے کہا کہ حکومت ملازمین کے مسائل کو ہر ممکن حد تک حل کرنے کی کوشش کرے گی۔

سیتااکا نے کہا کہ ایس آر ڈی ایس کارکنوں کیلئے سرکاری ملازمین کی طرح ریٹائرمنٹ کے فوائد کو بڑھانے کی کوشش کی جائے گی۔