شمس آباد ایرپورٹ پر 3.5 کلو گرام گانجہ ضبط،مسافر گرفتار

حیدرآباد: اے آئی یو ٹیم نے ہائیڈروپونک گانجہ اسمگل کرنے کی کوشش ناکام بناتے ہوئے حیدرآباد کے شمس آبادایرپورٹ پر ایک مسافر کو حراست میں لے لیا۔

کل شب کوالالمپور سے فلائٹ نمبر MH-198 کے ذریعہ پہنچنے والے ایک ہندوستانی مسافرباریا ہیمانگ کمار منگا بھائی کو اے آئی یو ٹیم نے مشتبہ حالت میں روکا۔

مسافر کے چیک ان بیگیج کی تلاشی لینے پر اس کے قبضہ سے تقریباً 3.5 کلو گرام ہائیڈروپونک گانجہ برآمد ہوا۔

کسٹم حکام نے ممنوعہ منشیات کو قبضہ میں لے کر ملزم کو گرفتار کر لیا ہے جسے ٹرمنل سے باہر لے جا کر قانونی کارروائی کے لئے مجسٹریٹ کے سامنے پیش کیا گیا۔