چین میں ایک ماہ میں 60 ہزار کووِڈ اموات

بیجنگ: چین نے ہفتہ کے دن خبر دی کہ گزشتہ 30 دن میں ملک بھر کے دواخانوں میں نئے کورونا وائرس کے باعث 59ہزار 938 اموات ہوئی ہیں۔

اس نے یہ خبر ایسے وقت دی ہے جب ورلڈ ہیلت آرگنائزیشن (ڈبلیو ایچ او) بیجنگ پر تنقید کررہی ہے کہ وہ کورونا وباء کی تباہی کو گھٹاکر دکھارہا ہے۔

چین کے نیشنل ہیلت کمیشن نے ہفتہ کے دن کہا کہ 8 دسمبر تا 12 جنوری 59,938 کووِڈ اموات ہوئیں۔ مرنے والوں کی اوسط عمر 80.3 ہے۔ ہانگ کانگ سے شائع ہونے والے ساؤتھ چائنا مارننگ پوسٹ نے یہ اطلاع دی۔

چین نے تقریباً 3 سال بعد 8جنوری سے اپنی سرحدیں بین الاقوامی مسافرین کے لئے کھول دیں۔

ڈبلیو ایچ او نے چہارشنبہ کے دن کہا تھا کہ چین کووِڈ 19 اموات کی تعداد کافی گھٹاکر دکھارہا ہے۔ ملک میں کووِڈ انفیکشن کی لہر آئی ہوئی ہے۔