تلنگانہ میں 51 فیصد ووٹر انفارمیشن سلپس کی تقسیم کا کام مکمل

حیدرآباد: تلنگانہ کے چیف الکٹورل آفیسر وکاس راج نے کہا ہے کہ ریاست میں اب تک 51 فیصد ووٹر انفارمیشن سلپس تقسیم کی جاچکی ہیں۔

جملہ 3 کروڑ 26 لاکھ 2 ہزار 799 ووٹرس میں سے 65 لاکھ 32 ہزار 40 افراد کو یہ سلپس تقسیم کی گئی ہیں۔ انہوں نے کہا کہ اس ماہ کی 23 تاریخ تک ان سپلس کی تقسیم کا کام مکمل کرنے کا نشانہ ہے۔

رائے دہندے ان سلپس کے ذریعہ اپنا پولنگ سنٹر اور دیگر معلومات حاصل کرسکتے ہیں۔ امیدواروں کی تعداد کی بنیاد پر 16 اضلاع کو اضافی 14,500 بیلٹ یونٹ الاٹ کیے گئے ہیں۔

وکاس راج نے کہا کہ ریاست میں انتخابات کے لیے جملہ 59,799 بیلٹ یونٹس کا استعمال کیا جائے گا۔ انہوں نے واضح کیا کہ چونکہ تمام اضلاع میں گنتی کے مراکز کی فہرست کو حتمی شکل دے دی گئی ہے، وہاں سیکورٹی سمیت تمام ضروری انتظامات سرگرمی کے ساتھ انجام دیئے جارہے ہیں۔