بنگالورو سے لاپتہ 12سالہ لڑکے کا حیدرآباد میں پتہ چل گیا
بنگالورو سے لاپتہ 12سالہ لڑکے کا حیدرآباد میں پتہ چل گیا۔یہ لڑکا گھر سے ٹیوشن کے لئے 21جنوری کو روانہ ہواتھاجس کے بعد وہ لاپتہ ہوگیا تاہم 24جنوری کو حیدرآباد کے نامپلی میٹرو اسٹیشن میں اس کا پتہ چل گیا۔
حیدرآباد: بنگالورو سے لاپتہ 12سالہ لڑکے کا حیدرآباد میں پتہ چل گیا۔یہ لڑکا گھر سے ٹیوشن کے لئے 21جنوری کو روانہ ہواتھاجس کے بعد وہ لاپتہ ہوگیا تاہم 24جنوری کو حیدرآباد کے نامپلی میٹرو اسٹیشن میں اس کا پتہ چل گیا۔
تفصیلات کے مطابق چھٹویں جماعت کا طالب علم جس کی شناخت پرانوکے طورپر کی گئی ہے،گھر سے ٹیوشن جانے کیلئے روانہ ہوا۔
اس کے گھر واپس نہ ہونے پراس کے والدین نے بنگالورو کی وائیٹ فیٹ پولیس سے اس بات کی شکایت کی۔پولیس نے سی سی ٹی وی کیمروں کے فوٹیج کا تجزیہ کیا۔
اس لڑکے کے پاس سل فون یا رقم بھی نہیں تھی۔اس لڑکے کی گمشدگی کی اطلاع سوشیل میڈیا پر دی گئی۔اسی دوران بنگالورو کا ایک شخص جو آج حیدرآباد آیا نے اس لڑکے کو حیدرآباد کے نامپلی میٹرو اسٹیشن کے قریب دیکھا اور اس کے والدین کو اس بات کی اطلاع دی۔
یہ پتہ نہیں چل سکا کہ یہ لڑکا بنگالورو سے حیدرآباد کس طرح پہنچا۔اس لڑکے کی ماں نے سوشیل میڈیا پر اس کے مل جانے کی اطلاع دیتے ہوئے کہاکہ ان کا لڑکا محفوظ ہے اور وہ اس کو لینے کیلئے حیدرآباد آرہے ہیں۔
