حیدرآباد کے مہدی پٹنم امپرئیل پلازہ میں بڑے پیمانہ پر آگ لگ گئی

حیدرآباد: شہرحیدرآباد کے مہدی پٹنم میں واقع امپرئیل پلازہ میں بڑے پیمانہ پر آگ لگ گئی۔

یہ آگ کل شب عمارت کی دوسری منزل پر لگی جس کے ساتھ ہی مقامی افراد خوفزدہ ہوگئے۔

آگ کے ساتھ کثیف دھواں بھی نظرآیا۔شبہ کیاجارہا ہے کہ شارٹ سرکٹ آگ لگنے کی وجہ ہے۔

اس واقعہ میں کسی کے جھلسنے یا پھر کسی کی موت کی کوئی اطلاع نہیں ملی ہے البتہ مالی نقصان ضرور ہوا ہے۔

مقامی افراد کی اطلاع پر فائربریگیڈ کے اہلکاروں نے وہاں پہنچ کر آگ پر قابو پایا۔