وشاکھاپٹنم میں بلدیہ کی جانب سے تعمیر کردہ جدید بس شیلٹر اچانک منہدم

حیدرآباد: آندھراپردیش کے وشاکھاپٹنم میں بلدیہ کی جانب سے تعمیر کردہ جدید بس شیلٹر اچانک منہدم ہو گیا۔

تفصیلات کے مطابق گریٹروشاکھاپٹنم میونسپل کارپوریشن(جی وی ایم سی) آفس کے سامنے حال ہی میں تعمیر شدہ آر ٹی سی بس بے منہدم ہو گیا۔

اس واقعہ کے وقت وہاں کوئی موجود نہیں تھا اس لیے کوئی جانی نقصان نہیں ہو ااور نہ ہی کوئی زخمی ہوا۔

جی وی ایم سی کے میئر ہری وینکٹ کماری نے حال ہی میں 40 لاکھ روپے کی لاگت سے بنائے گئے اس بس شیلٹر کا افتتاح کیاتھاتاہم اس کو لگانے کے پانچ دنوں میں ہی اس کے گرجانے پر عوام میں برہمی دیکھی گئی۔

سی پی ایم اور جنا سینا کارپوریٹرس نے تشویش کا اظہار کیا کہ بس شیلٹر کے تعمیراتی کاموں میں بدعنوانی ہوئی ہے۔

ڈھانچے خراب حالت میں ہے۔ انہوں نے ناقص کام کے ذمہ داروں کے خلاف کارروائی کا مطالبہ کیا۔