الوارجن نے ’ہر سال ایک نیک کام‘ مہم کو اپنانے پر اپنی ٹیم کی تعریف کی

ممبئی: جنوبی ہند فلموں کے سپر اسٹار الو ارجن نے ’ہر سال ایک نیک کام‘ مہم کو اپنانے اور ایچ پی وی ویکسین جیسے بامقصد پروگرام کے انعقاد پر اپنی ٹیم کی بھرپور ستائش کی ہے۔ قومی ایوارڈ یافتہ اداکار الو ارجن ہمیشہ اپنی شاندار شخصیت سے سب کو متاثر کرتے رہے ہیں۔

ہندستان کے بڑے سپر اسٹارز میں شمار ہونے کے ساتھ ساتھ وہ ایک بڑے دل کے انسان بھی ہیں، جو محبت، خیال، آگاہی اور تعاون کو فروغ دینے پر یقین رکھتے ہیں۔ یہی بات اس وقت بھی نظر آئی جب انہوں نے ’ہر سال ایک نیک کام‘ مہم اور ایچ پی وی ویکسین آگاہی جیسے اہم پروگرام کے انعقاد پر اپنی ٹیم کو سراہا۔

الو ارجن نے اپنے سوشل میڈیا پر ایک جذباتی پیغام شیئر کرتے ہوئے لکھا:
"مجھے ’ہر سال ایک نیک کام‘ مہم کو اپنانے اور #ایچ پی وی ویکسین آگاہی مہم جیسے بامقصد اقدام کو آگے بڑھانے پر اپنے تمام مداحوں پر بے حد فخر ہے۔

آپ سب نے کمال کر دکھایا ہے، اور ہر سرگرمی کو دیکھ کر میرا دل خوشی سے بھر جاتا ہے۔ مجھے خوشی ہے کہ آپ اپنی توانائی اچھے کاموں میں صرف کر رہے ہیں۔ مجھے آپ سب پر واقعی فخر ہے۔

میں اس نیک مقصد کو آگے بڑھانے میں قیمتی تعاون اور حوصلہ افزائی فراہم کرنے والے تمام معزز وزراء، رہنماؤں اور سرکاری افسران کا تہہ دل سے شکر گزار ہوں۔