آندھراپردیش
بنگلہ دیش میں محصور اے پی کے ماہی گیروں کی رہائی۔وشاکھاپٹنم پہنچ گئے
وشاکھاپٹنم پہنچنے پر ان کے ارکان خاندان اور عزیز و اقارب نے ان کا والہانہ استقبال کیا اور اپنے پیاروں کی صحیح سلامت واپسی پر گہری خوشی اور اطمینان کا اظہار کیا ہے۔
حیدرآباد: آبی حدود کی خلاف ورزی پربنگلہ دیش میں محصور ہندوستانی ماہی گیر دو طرفہ مذاکرات کی کامیابی کے بعد رہا ہوکر بالآخر محفوظ طورپروشاکھاپٹنم پہنچ گئے۔
ان ماہی گیروں کی واپسی دونوں ممالک کے درمیان طویل سفارتی کوششوں اور بات چیت کے نتیجہ میں ممکن ہوئی جس کے بعد وہ اپنے وطن واپس لوٹنے میں کامیاب رہے۔
وشاکھاپٹنم پہنچنے پر ان کے ارکان خاندان اور عزیز و اقارب نے ان کا والہانہ استقبال کیا اور اپنے پیاروں کی صحیح سلامت واپسی پر گہری خوشی اور اطمینان کا اظہار کیا ہے۔
متاثرہ خاندانوں نے حکومت ہند اور دیگر متعلقہ حکام کا شکریہ ادا کیا جنہوں نے اس مشکل وقت میں ماہی گیروں کی رہائی کو یقینی بنایا۔
ہمیں فالو کریں
