اے پی: چٹانیں گرنے کے باعث چھ مزدور ہلاک

حیدرآباد: آندھراپردیش کے باپٹلہ ضلع میں اتوار کی صبح ایک خوفناک حادثہ پیش آیا۔ضلع میں "ستیہ کرشنا گرینائٹ مائنس” میں چٹانیں گرنے کے باعث چھ مزدور ہلاک ہو گئے۔

چٹانیں ٹوٹ کر گرنے کی وجہ سے یہ حادثہ پیش آیا۔ اب تک چار لاشوں کو ملبے سے نکالا جا چکا ہے جبکہ باقی دو لاشوں کو نکالنے کے لیے امدادی کارروائیاں جاری ہیں۔

حادثہ کے وقت مائنس میں 16 مزدور کام کر رہے تھے۔ شدید زخمی ہونے والے مزید 10 مزدوروں کو بہتر علاج کے لیے نرسا راو پیٹ ہاسپٹل منتقل کیا گیا ہے۔ ڈاکٹروں کا کہنا ہے کہ ان میں سے چار کی حالت تشویشناک ہے۔

مائنس انتظامیہ کی جانب سے حفاظتی اقدامات کے بارے میں تحقیقات جاری ہیں۔آندھر پردیش کے وزیراعلی این چندرابابو نائیڈو نے اس حادثہ میں ہونے والی اموات پر گہرے رنج کا اظہار کیا ہے۔