اے پی:بس الٹ گئی۔22مسافرین زخمی

حیدرآباد: آندھراپردیش کے ضلع چتور میں پرائیویٹ ٹراویلس کی بس کے الٹ جانے کے نتیجہ میں 22 مسافرین زخمی ہو گئے۔

یہ حادثہ ضلع کے گولماڈوگو موڑ پر پیش آیا۔ پولیس کے مطابق پڈوچیری سے حیدرآباد جانے والی ایک پرائیویٹ بس کے ڈرائیور نے اس کا توازن کھودیا جس کے نتیجہ میں یہ بس بے قابو ہو کر الٹ گئی۔

اس حادثہ میں سکندرآباد کی65سالہ للیتا ، تمل ناڈو کی رہنے والی35سالہ کوبیندرم شدید طور پر زخمی ہوگئیں جبکہ بس میں سوار دیگر 20 مسافرین معمولی زخمی ہوئے۔

اطلاع ملنے پر پولیس نے موقع پر پہنچ کر زخمیوں کو علاج کے لیے مقامی اسپتال منتقل کیا۔ حادثہ کے وقت بس میں 33 مسافر سوار تھے۔ پولیس نے کیس درج کرکے جانچ شروع کردی۔