جرائم و حادثات
اے پی:کار، لاری سے ٹکراگئی۔5افرادشدید زخمی
آندھراپردیش کے ضلع کاکناڈا میں پیش آئے سڑک حادثہ میں 5افراد شدید طورپرزخمی ہوگئے۔
حیدرآباد: آندھراپردیش کے ضلع کاکناڈا میں پیش آئے سڑک حادثہ میں 5افراد شدید طورپرزخمی ہوگئے۔
یہ حادثہ ضلع کے جگم پیٹ گنڈے پلی کے حدود میں قومی شاہراہ پر اُس وقت پیش آیا جب ایک کار نے پیچھے سے لاری کو ٹکر دے دی۔
اس حادثہ میں پانچ افراد شدید زخمی ہوگئے۔ ان میں دو بچے بھی شامل ہیں۔ کار تیز رفتاری سے لاری سے ٹکرا کر دیوار سے ٹکرا گئی جس کے نتیجہ میں کار کا اگلا حصہ تباہ ہو گیا۔
زخمیوں کو علاج کے لئے فوری طور پر راجمندری اسپتال منتقل کیا گیا۔ پولیس اور ہائی وے کے عملے نے فوری وہاں پہنچ کر صورتحال کا جائزہ لیا اور زخمیوں کو علاج کیلئے روانہ کرتے ہوئے ایک معاملہ درج کرکے جانچ شروع کردی۔
پولیس کے مطابق کار میں سوار خاندان راجمندری سے وشاکھاپٹنم کی سمت جارہا تھا۔تیز رفتاری حادثہ کی وجہ بتائی جارہی ہے۔
ہمیں فالو کریں
