اے ایس آئی گیان واپی مسجد کے احاطہ کا سائنٹفک سروے کرے گی

وارانسی: الہ آباد ہائی کورٹ کے فیصلے کے بعد آرکائیو لوجیکل سروے(اے ایس آئی) وارانسی واقعہ گیان واپی احاطے میں جمعہ سے سائنٹفک سروے کا آغاز کرے گی۔

جمعرات کو الہ آباد ہائی کورٹ نے مسلم فریق کی عرضی کو خارج کرتے ہوئے اپنے فیصلے میں کہا کہ انصاف کے مفاد میں سروے ضروری ہے۔ جس کے بعد اے ایس آئی کی ٹیم کل سے اپنا سروے شروع کرے گی۔

ڈی ایم ایس راج لنگم نے میڈیا نمائندوں کو بتایا کہ’ اے ایس آئی ٹیم نے ضلع انتظامیہ سے مدد طلب کی ہے اور ہم انہیں سبھی ضروری مدد اور تعاون فراہم کررہے ہیں ۔ اے ایس آئی ٹیم کل سے سروے کا آغاز کرے گی۔

الہ آباد ہائی کورٹ نے جمعرات کو وارانسی ضلع عدالت کے ذریعہ 21جولائی کو دئیے گئے اے ایس آئی سروے کو چیلنج دینے والی انجمن انتظامیہ مسجد کمیٹی کی عرضی خارج کردی۔