ایشیا کپ فائنل: انڈیا کو بھی لگا بڑا جھٹکا

کولمبو: ہندوستان نے اتوار کو سری لنکا کے خلاف ہونے والے ایشیا کپ فائنل کے لیے زخمی اکشر پٹیل کے کور کے طور پر واشنگٹن سندر کو بلایا ہے۔ اکشر کو جمعہ کو بنگلہ دیش کے خلاف آخری سپر فور میچ میں کئی چوٹیں آئیں جس میں ہندوستان کو چھ رنز سے شکست کا سامنا کرنا پڑا۔

 اگرچہ ان کی انجری کی سنگینی کا علم نہیں ہے لیکن احتیاطی تدابیر کے طور پر انڈیا کی ایشین گیمز ٹیم کا حصہ رہنے والے باؤلنگ آل راؤنڈر واشنگٹن کو بلایا گیا ہے۔

بورڈ آف کنٹرول فار کرکٹ ان انڈیا (بی سی سی آئی) کے ایک ذریعے نے رازداری کی شرط پر بتایا، “اکشر کو کئی چوٹیں آئی ہیں، ان کی چھوٹی انگلی زخمی ہے اور تھرو کی وجہ سے گیند ان کے ہاتھ میں لگی، انہیں ہیمسٹرنگ کی انجری بھی ہے۔

اسی لیے واشنگٹن بلایا گیا ہے۔ ورلڈ کپ سے صرف تین ہفتے قبل، ہندوستانی ٹیم مینجمنٹ کے لیے ان کی ہیمسٹرنگ انجری کا باعث تشویش ہے۔