گلوکار غدر کی یاد میں شعراء اور فلمی شخصیتوں کو ایوارڈس: چیف منسٹر

حیدرآباد: چیف منسٹرتلنگانہ اے ریونت ریڈی نے آج یہاں کہا ہے کہ ریاستی حکومت کی جانب سے شعراء، فلمی شخصیتوں اور فنکاروں کو ایوارڈس پیش کئے جائیں گے۔ انہوں نے کہا کہ یہ ایوارڈس آنجہانی لوک گلوکار غدر کے نام سے موسوم رہیں گے۔

 کل یہاں غدر کی یوم پیدائش تقاریب کو مخاطب کرتے ہوئے چیف منسٹر تلنگانہ نے غرباء کی صورتحال کو بہتر بنانے کیلئے گلوکارغدر کی خدمات کی ستائش کی اور کہا کہ تلنگانہ کی تشکیل کے تعلق سے بھی غدر کی خدمات کو نظر انداز نہیں کیا جاسکتا۔

انہوں نے کہا کہ بعض فلمی شخصیتوں نے حال ہی میں ان سے ملاقات کرکے حکومت پر زور دیا ہے کہ وہ نندی ایوارڈس کی پیشکشی کا احیاء کریں اور اس کو اب غدر کے نام سے موسوم کیا جاسکتا ہے۔جن کا گذشتہ سال دیہانت ہوگیا تھا۔یہ بات چیف منسٹر نے بتائی۔ انہوں نے کہا کہ اس سلسلہ میں حکومت مختلف امور کا جائزہ لے رہی ہے۔

 غدر کے احترام میں حکومت اعزازت پیش کرے گی۔جوکہ شعراء،فلمی شخصیتوں اور فنکاروں کو دئیے جائیں گے۔ چیف منسٹر نے کہا کہ غدر ایک انقلابی شاعر بھی تھے ۔ جن کا 77سال کی عمر میں گذشتہ سال ماہ اگست میں دیہانت ہوگیا۔جنہوں نے غرباء اور کمزور افراد کیلئے ہمیشہ آواز بلند کی۔