بی مہیش کمار گوڑ صدر تلنگانہ پردیش کانگریس مقرر
مہیش کمار گوڑ سابق میں صدر این ایس یو آئی نظام آباد، سکریٹری انڈین یوتھ کانگریس جنرل سکریٹری پی سی سی کے عہدے پر بھی فائز رہ چکے ہیں۔ وہ 2014 میں نظام آباد اربن حلقہ سے اسمبلی انتخابات میں مقابلہ کرچکے ہیں۔
حیدرآباد: صدر اے آئی سی سی ملکارجن کھر گے نے بی مہیش کمار گوڑ ایم ایل سی کو صدر تلنگانہ پردیش کانگریس کمیٹی کے عہدہ پر تقرر کیا ہے۔ جنرل سکریٹری اے آئی سی سی کے سی وینو گوپال نے آج ایک احکام جاری کرتے ہوئے فوری عملدر آمد کی ہدایت دی ہے اور سبکدوش صدر ٹی پی سی سی اے ریونت ریڈی کی خدمات کی ستائش کی ہے۔
واضح رہے کہ مہیش کمار گوڑ کارگزار صدر ٹی پی سی سی کی حیثیت سے خدمات انجام دے رہے تھے۔ و ہ سابق میں صدر این ایس یو آئی نظام آباد، سکریٹری انڈین یوتھ کانگریس جنرل سکریٹری پی سی سی کے عہدے پر بھی فائز رہ چکے ہیں۔ وہ 2014 میں نظام آباد اربن حلقہ سے اسمبلی انتخابات میں مقابلہ کرچکے ہیں۔
بی مہیش کمار گوڑ کو صدر پی سی سی مقرر کئے جانے پر سینئر پارٹی قائدین و ی ہنمنت راؤ، سابق وزیر ومشیر حکومت تلنگانہ محمد علی، رکن پارلیمنٹ ملوروی، سی کرن کمار ریڈی، جنرل سکریٹری فیروز خان، ایس کے افضل الدین، خواجہ فخر الدین، سابق سکریٹری ساجد پاشاہ، محمد امتیاز، و دیگر قائدین نے انہیں مبارکباد پیش کی ہے۔
